Iker Enbeita Zirikina Proiektuan

          Ni Iker Enbeita naz, 4. DBH-ko ikaslea eta Zirikina Proiektuko partaidea.

3. ebaluaketa honetan erlijio eta etika arloetan zirikina proiektua egitea proposatu euskuen. Emiliok, gure etika eta erlijioko irakasleak, proiektu hau egingo genduala esan eta azaldu euskunean, oso gogotsu hartu neban. Geroago, banan-banan alkarrizketa bat egin euskuen zein arlotan klase emon nahi genduan. Behin pertsona guztiei alkarrizketa hau egin eutsienean bakoitzak egun jakin baten goiko eraikinera igo behar genduan ume txikiei edo ez hain txikiei klase emotera. Niri eguazten guztietan lehenengo orduan igotzea tokatu jatan 2. mailara.

         

           Bertan Arrate andereinoaren klasea tokatu jatan. Lehenengo egunean klasera sartzerakon, ume guztiak harrituta begiratu ninduten, eta haien hartean zurrumurruka hasi ziran “nor da mutil hau?” galdetzen. Arrate gelara sartu zanean, ni nor nintzan eta bertan zer egingo neban azaldu neutsan. Gero klaseko umeei aurkeztu ninduan. Lehenengo eguna oso polita izan zan.

           Beste egun guztietan, ni klasera sartuaz batera umeek “Kaixo Iker” esaten eustien eta horrek oso ondo sentiarazi izan nau joaten nintzan egun guztietan. Klasean, Arratek zer egin azaltzen zuenean, ni mahaien artetik ibiltzen nintzan, eta ume batek eskua altzatzen zuenean, ni beregana joaten nintzan bere zalantza argitzera.

           Zirikina proiektua oso polita eta dibertigarria izateaz aparte, niri etorkizunean zer ikasiko dodan pixka bat gehiago argitu deust, ni Heziketa Fisikoko irakaslea izan nahi dodalako. Arrate andereinoarenganatik gauza asko ikasi dodaz, eta etorkizunean proiektu hau eta bertan ikasi dodana oso lagungarria izango dala uste dot.