XABIER APODAKA ZIRIKIÑA PROIEKTUAN

Ni DBH 4A-ko ikaslea naz eta ikasturte honetako hirugarren hiruhilabetean, Zirikiña proiektua egin dot. Proiektu honetan, astean behin DBH 4-ko ikasleok, erlijio eta etika orduetan, HH eta LMH-ko klaseetara joaten egon gara, bertako andereñoei laguntzera, baina, batez be ikastolatik kanpo eduki beharreko balioak ikasteko eta lan munduan sarreratxo txiki bat egiteko asmoagaz.

Proiektu hau, eguaztenetako lehenengo orduan, LMH-ko 2A klasean egin dot, bertako ikasle eta Janire andereñoarekin.  Egunaren arabera, ingurune edo lan pertsonaleko orduetan egon naz, baina batez ere lan pertsonaleko klaseetan. Klase honeetan, ikasleak, andereñoak banatutako fitxak egiten ebezan eta ahal neban neurrian laguntzen saiatzen nintzan: ariketak egiten lagunduz, dudaren bat egongo balitz, duda ha konpontzen saiatuz, ariketak arbelean zuzenduz eta fitxak zuzentzen lagunduz, hortaz, eurak behar eben guztian laguntza emanez.

Egia esan, lehenengo egunetan, urduri xamar nengoan, izan be, esperientzia berria zan niretzako, baina, egunak aurrera joan ahala gusturago sentitzen joan naz. Dena dela, andereño eta ikasleen laguntza barik ezinezkoa izango litzateke hartu dodan erkidetasuna lortzea, eurak ni laguntzeko eta nik hareek laguntzeko prest agertzea ezin bestekoak izan baitira.

Ez neuke proiektu hau amaitzea gurako, egunero zerbait berria ikasten nabilelako, baina ikasturtea amaitzear dago eta 3-4 klase besterik ez jataz falta eurekaz. Niretzat esperientzia ezin hobea izan da, eta faltan botako dodaz eta eurak ni faltan botatzea espero dot. Hala ere, azkenengo egunerako sorpresa bat prestatuta daukat, ematerakoan ea ze aurpegi jartzen daben ikusteko irrikitan nago.