Ane Vales Zirikiña Proiektuan

          Begoñazpiko 4DBH-ko ikasle bat naz, Ane Vales eta aurten, nire klasekide guztiok modura zirikiña proiektuan nabil lanean, LH, HH edo idazkaritzan laguntzean datza proiektu hau.

         Niri, laugarren maila egokitu jat, ingelesean laguntzen dot bertan, zailtasunak daukiezan ikasleak laguntzen dodaz, apurka-apurka besteen mailan jartzea lortu daien. Egunero, lehenengo orduan  LH-ko eraikinera noa, bertan zirikiña proiektua egiteko. Nire klasera noa eta umeekaz eta solairu berean dagozan beste klasekideekaz egoten naz andereñoa heldu arte, eta asko begiratzen deuskue umeak, gutaz ikasi gurako balebe moduan.

       Asko gustatzen jata zirikiña proiektua, klase horretara noanean, nire haurtzaroko hainbat gauza gogoratzen dodaz eta gainera umeak oso jatorrak eta dibertigarriak dira, andereñoen modura.

      Normalean, klasea hasterakoan zailtasunak daukiezan ikasleen ondoan esertzen naz, eta andereñoak zenbait ariketa ematen deuskuz, eta nire laguntzagaz gutxinaka gutxinaka ariketak ulertu eta egiten dabez.

      Oso harro sentitzen naz klasetik irtetzean, neure jakintzak umeei erakutsi deutsedazala dakidalako, gainera haiek laguntzen dodazala pentsatzeak ere pozten nau.

     Oso esperientzia polita izan da proiektu hau, esperientzia berria eta jende berria ezagutu, andereñoaren lekuan jarri deusta, etb..