Joana Lozano Zirikiña Proiektuan

Ni, Joana Lozano naz, eta nire Zirikiña esperientziari buruz hitz egingo dot. Orain dela ia hiru hilabete hasi genduan Zirikiña proiektua, Erlijioko saioak bitan banatzen, Etika eta Erlijio. Zirikiña proiektua Etikako orduan egiten dogu, beraz, astean erlijioko ordu bat eta Zirikiña proiektua daukagu.

Zirikiña proiektua antolatzeko hainbat gauza kontuan hartu ziran. Hasteko, Emiliok zertan datzan azaldu geunskun. Gero, Emilio eta Merkaten artean, ikasle guztioi test mota bat egin euskuen, apur bat gure preferentziak emoten, hau da, zein klasetan gurako genuen, ze ikasgai, ze ikasgai ez geunke gustuko izan emotea, etab. Azkenik, Emiliok zerrenda erakutsi euskun, eta gure artean aldatzeko aukera izan genuen. 

Nire kasuan, HH-ko 1D klasera joaten naz astelehen guztietan lehenengo orduan. Umeak heltzen diranean, bakoitzak bere kontura dabil zirikiña ipintzen eta bere gauzak uzten. Denak klasea emoteko prest daudenean, hau da, denak korroan jesarrita, makinistak bere eginkizunagaz hasteko momentua da. Lehenengo, makinistak txartelak banatzen dauz, ea nor faltan dan ikusteko. Gero, bazkaltzeko zenbat dagozan zenbatzen dau, eta panelean ipintzen dauz zenbakiak, menua ikusten dogu, aste horretarako planifikazioa azaltzen da, eta ea urtebetetzerik dagoan begiratzen da. Panela beteta dagoanean, matematika apur bat egiten doguz edo asteburuan zer egin daben kontatzen deuskue.

Amaitzeko, oso gustura nago klase honetan, eta gero eta hobeto maneiatzen naz umeekin.  Denbora pasatu ahala, nirekin konfiantza gehiago hartzen dabe eta nik beraiekaz be.