Irati Lazkano Zirikiña Proiektuan

Ni, Irati Lazkano naz, DBH 4. mailako ikasle bat eta Zirikiña proiektua hasi zanetik, eguazten guztietan Haur Hezkuntzako, hiru urteko A klasera joaten naz, bertan, Patricia izeneko andereñoari laguntzen deutsat Dalton klasean.

Gehienetan, arazo batzuk daukazan neska bategaz egoten naz, izan ere, ni egoten ez nintzanean andereñoaren alboan egoten zan beti eta ez eutsan ia lanik egiten uzten, baina orain, nire laguntzarekin, andereñoak lanak prestatu daikez, atzeratu gabe.

Lehenengo egunean, oso urduri egon nintzan, nire lana zein izango zan ez nekialako eta ez nebazalako umeak ezagutzen, baina andereñoaren laguntzarekin gauzak gusturago eta konfiantza gehiagoz egiten dodazala konturatu egin naz, izan ere, Patricia andereñoarekin oso pozik nago, umeekaz eta nigaz ederto jokatzen daualako eta beti laguntzeko prest dagoalako.

 Horretaz aparte, proiektu honen bidez, lehen pentsatzen nebana baino gehiago egiteko gai nazala  ikusi egin dot eta horregaitik pentsatzen dot Zirikiña proiektua esperientzia ezin hobea dala, batez ere etorkizuneko mundu laborala ezagutzeko eta umeak asko irakasten ari deustielako, gainera, honi esker, orain, gauza gehiagori aurre egiteko prest nago.