Maitane Vasallo, 10 urteko ikasleen andereño barria

Nire esperientzia Begoñazpi Ikastolako 'Zirikiña' proiektuagaz izugarri aberasgarria izan da. Ni, LMH-ko bosgarren mailako klase batean egon naz, ingeleseko irakasleari eguazten guztietako ordu batean saio lektiboa emoten laguntzen.

Hasieratik harreman bikaina euki dogu eta hori benetan eskertzekoa izan da; pozago joaten nintzalako goiko eraikinera. Nire ustez, lehenengo asteak zailenak izan dira, umeek ezagutzen ez ninduelako eta ez nekialako nola klase emon edo zertan lagundu; baina egunak pasa ahala eta irakaslearen laguntzagaz, irakastera moldatu naz. Zorte itzela izan dot hain ikasle eta irakasle atseginekaz nagoalako eta edozertan lagundu deustielako. 

Esti irakasleagaz lan egitean oso gustura sentitu naz, zer edo zertan laguntzarik behar baneban, beti egoalako prest ni laguntzeko. Klasea ingelesez izanda be, ez dot izan zailtasunik umeekaz eta Estigaz hizkuntza horretan hitz egiteko. Gainera, nire ahoskeran asko lagundu deust, laster ingeleseko titulu bat eskuratzeko azterketa batera aurkeztu nazalako eta naturaltasun gehiagoz hitz egiten balioko deustala iruditzen jat.

Laburbilduz, esperientzia honek askotarako balio izan dau; adin deberdineko umeekaz harremanetan egoteko, jende barria ezagutzeko, mundu laborala nolakoa izango dan ikusteko, pazientzia gehiago izateko, ingelesa praktikatzeko...

BAINA LAGUN BARRIAK EGITEKO BATEZ BE!