Aupa, nire izena Mikel Bueno da, eta aurten, DBH 4. mailan
nagoanez, Begoñazpi Ikastolako zirikiña proiektuan parte hartu dot. Proiektuak
Lehen Hezkuntzan zein Haur Hezkuntzan, astean behin, klase batera joan eta
andereñoari lagunduz klasea emotean datza.
Nire kasuan, klaseak astelehenetako lehenengo orduan LH 4.B
gelan emoten dodaz. Asignatura asko egozan emoteko, eta niri Gorputz Heziketako
klaseetara joatea tokatu jatan, eta oso pozik joaten naz umeekaz eta Julen
maisuagaz ariketa fisikoa irakatsi, ikasi eta egitera. Lehenego egunean hasi
nintzanetik eta hona oso gustora eta pozik joan izan naz, eta asko disfrutatu
dot.
Klasean egiten genduana ia egunero bardina zan; goiko
eraikinean dagoan jolastoki gorrian egiten dabe gorputz heziketa, eta goizean klasean
motxilak hartu eta aldagelatan itxi ondoren klasea hasteko prest gagoz.
Hasieran, beroketa egiten dogu; ondoren maisuak eta nik egin beharreko jarduera
azaldu, egin beharreko taldeak sortu eta jolasak, frogak zein partiduak egiten
doguz. Horren ondoren, materiala batu eta aldageletara.
Orokorrean, oso gustora sentitu naz klasea emoterako orduan.
25 ume niri begira eta nigandik zerbait ikasteko prest dagozala ikusteak
zirrara eta harrotasuna piztu dau nigan, eta horrek nire umeenganako maitasuna
eta errespetua sortu dau. Oso lagungarria, desbardina eta betegarria izan da
aurten Zirikiña Proiektuan izan dodan esperientzia.
Mikel Bueno
iruzkinik ez:
Argitaratu iruzkina