Ander Maidagan Zirikiña Proiektuan

Ni Ander Maidagan naz, Begoñazpi ikastolako DBH-ko laugarren mailako ikaslea. Hirugarren ebaluaketa honetan, Emiliok, gure erlijio eta etikako irakasleak; zirikina proiektua proposatu euskun. Guztiok ume txikiak zaintzea eta esperientzia berri bat eukitea oso ideia ona zala pentsatu gendun. Gure poza ikustean, elkarrizketa batzuen bidez, zein arlotan klase eman gura izango geunke adostu genduan eta guztiekaz amaitzean proiektuagaz hasi ginan.

Astelehen goizetan egitea tokatu jakun. Lehen eguna heltzean guztiak nahiko urduri gengozan. Ez genkian nola erantzungo eben irakasle berri bat eukiela ikustean. Ordua heltzean harrituta geratu ziran, ez ekien nor zalako maisu berri hori, baina pixkanaka-pixkanaka gehiago hitz egiten eta nire laguntza jasotzen hasi ziran. Euren andereñoa Enara zan, asko lagundu deust eurekin hobeto konpontzen eta espero dot nik berari ere lagundu izan izana. Asteak igaro ahala gero eta normalago ikusten eben nire presentzia eta azkenean gauza normal bat lez hartu eben.

Lehenengo egunetan nahiko urduri nengoan baina gero eta hobeto konpontzen naiz eurekaz eta gogo gehiagogaz joaten naiz astelehen goizetan. Ikasturtea amaitzear dago eta ez dira klase asko geratzen, ez dot uste inork proiektu hau bukatzea gurako dauanik oso esperientzia ona izan dalako.

Proiektu honetan asko ikasi dodala uste dot eta klase honeetan ikasi dodana etorkizunean erabilgarria izango dala pentsatzen dot. Oso ondo prestatuta dagoala pentsatzen dot eta hurrengo urteetan egiten jarraitzea espero dot. Hurrengo urteetan proiektu hau egingo dabenei benetan aholkatzen deuset, honelako aukerarik galdu ez deien.