Ander Retamosa Zirkiña Proiektuan

Kaixo, nire izena Ander da eta DBH 4ko ikaslea nozue. Hirugarren ebaluaketa honetan Etikako ikasgaian Zirikina Proiektua jarri da martxan eta honako honetan parte hartzea egokitu jat. Emilio, Etikako maisuak, egindako galdera batzuei erantzun ondoren eta nire zaletasunak azaldu ondoren, LMH 5.D klasean Gaztelera irakastea egokitu jatan,  andereño Karmeleren laguntzaz. Xedea zan kurtso amaierara arte bertan egotea astelehen goizero eta halaxe izan da. Proiektu honetan kurtso osoa parte hartu dogu eta nire ustez, guztiontzat esperientzia ahaztezina izan da.

Lehen aipatu dodan legez, Karmelegaz egon naz astelehenero eta berak hainbat gauza irakatsi deustaz. Lehendabizi klasea zelan eraman ikasi dot eta normalean zelan antolatuta dagozan. Hori gitxi balitz, zalantzak argitzen eta euren ariketak zuzentzen ibili naz eta oso gustura gainera. Goizero-goizero otoitz egiten genduan eta arduradunak jantokikoa egiten eban telefonoz. Horrek erakutsi deust DBH eta LMH artean dagoan desberdintasun handia, hau da, umeak izatetik, nerabezarora. Baina irakatsi honeetaz gain niretzat irakatsirik garrantzitsuena irakaslearen lekuan jartzea izan da eta, horregaitik, ulertu dot ze zaila dan irakasle izatea.

Proiektu honetan oso gustura ibili naz umeakaz eta andereñoagaz be eta gustatuko litzakit errepikatzea posible izan ez gero. Gainera, oso ondo tratatu nabe bai umeek eta bai andereñoak. Horregaitik, atara neikean emaitza globala oso positiboa da eta jada aipatu dodan moduan, oso gustura ibili naz ebaluaketa osoan zehar. Espero dodana umeak eta andereñoa gustura egon izana be bai da.