Maider Abasolo Zirikiña Proiektuan

Ni Maider Abasolo naz, eta Begoñazpi Ikastolan ikasten dot, DBH 4. mailan. Azken hiruhilabetean, erlijio eta etikako ikasgaietan, Zirikiña Proiektua lantzen egon gara, HH eta LMH-ko gela batzuekaz; honeetan, guk zirikiña janztea eta irakaslea izatea izan da helburua.

Lehenengo eta behin, martxoa aldetik proiektua azaldu euskuen, lagun guztiek hasteko asmoz genbilzan. ume txikiekaz egoteko eta honeei erakusteko guk dakiguna.

Nire klasea, HH 3.B-ko klasea da; Mireia andereñoagaz,  eta azken bi hilabeteetan astelehenero HH-ko eraikuntzara igotzen naz Mireia eta umeekaz ordu bat igarotzera. Gehienetan egon behar nazen orduan baino lehenago heltzen naz: haurrak zirikiña janzten laguntzen dodaz, eta asteburuan zer egin daben esaten deustie; gehienetan parkera doazela, edota amonaren etxean egon dirala. Mireia heltzerakoan, korroa egiten dabe andereñoaren inguruan, hasteko, otoitz egiten dabe, zein egun da, ze eguradi egiten dauan, nor falta dan eta egunean zer dagoan jateko aipatzen dabe. Gero, ume bakoitzak asteburuan zer egin dauan azaltzen dau. Beti euskaraz hitz egiten dabe, edo saiatu egiten dira behintzat; eta oso interesgarria da haiek entzutea.

Parte hartzen dodan proiektu honetatik, iraskaslea nola izan ikasi dot; bi egunetan, Mireia lagundu dot, bera kanpora irten behar zalako, eta ni umeekaz gelditu nintzalako korroa egiten, eta esperientzia horretatik asko ikasi dot; nolakoa izan behar dan nire jarrera umeen aurrean, adibidez.

Lehenengo egunean, lotsa asko sentitu neban, klasean sartzerakoan, ume guztiak esan ebelako : “Nor da neska hau?”, eta nik ez nekian nola erantzun, orduan Mireia klaseari aurkeztu eustan eta nola lan egiten eben ikusi neban. Hurrengo egunetan, lotsa galtzen joan naz, eta oso gustura sentitzen naz, umeak oso jatorrak eta zintzoak diralako eta nigaz oso ondo eramaten  diralako.

Maider Abasolo Marañón